Fondun Beynəlxalq Əlaqələr və Layihələrin İcrası şöbəsinin müdiri kulturoloq-yaponşünas Əbülfəz Babazadə bu dəfə "İtaliya mədəniyyəti dünya sivilizasiya kontekstində" mövzusunda keçirilən respublika kulturoloji seminarında iştirak etmişdir. Tədbirdə İtaliyanın ölkəmizdəki səfirliyinnin nümayəndələrindən savayı, Macarıstan səfirliyinin nümayəmndəsi, kütləvi informasiya vasitələri və elmi ictimaiyyətin nümayəndələri iştirak etmişdir. Fondun rəsmisi "İtaliya mədəniyyətinin Etrusk komponenti" mövzusunda məruzə edərək Azərbaycan elmində yeni tədqiqat obyekti barədə danışmışdır. Qədim türklərin qohumları olan etruskların italyan mədəniyyətinin formalaşmasına təsiri, əvəzsiz rolu haqqında danəşan və Azərbaycan mədəniyyəti ilə müqayisə edən natiq, iştirakçıların böyük marağına səbəb olan məruzənin daha geniş şəkildə Azərbaycan ictimaiyyətinə çatdırılması barədə təklif almışdır.

»»»

Sloveniya Respublikasının prezidenti cənab Danilo Türk 2009-cu ilin nəticələrinə əsasən "Sülhün və demokratiyanın inkişafında göstərdiyi xidmətlərə görə" nominasiyasında İlyas Əfəndiyev Beynəlxalq Mükafatına layiq görüldü.

»»»

Fondun Beynəlxalq Əlaqələr və Layihələrin İcrası şöbəsinin müdiri kulturoloq-yaponşünas Əbülfəz Babazadə "Yapon mədəniyyəti dünya sivilizasiya kontekstində" mövzusunda keçirilən respublika kulturoloji seminarında iştirak etmişdir. Elmi ictimaiyyətin, kütləvi informasiya vasitələrinin, Yaponiyanın Azərbaycandakı səfirliyin yüksək vəzifəli şəxslərinin, tədqiqatçı və yapon mədəniyyət sevərlərinin iştirakı ilə keçirilən seminarda Fondun rəsmisi "Yapon mədəniyyətinin formalaşmsasında türk faktoru" mövzusu ilə çıxış edərək, Azərbaycan elminə hələki məlum olmayan faktlardan danışmışdır.

»»»

İlyas Əfəndiyev Fondu ölkədə geniş vüsət alan qeyri-hökumət təşkilatlarının fəaliyyəti, ictimai sektorun inkişafına yönəlmiş təşəbbüslərə dəstək verərək bu sahədə olan beynəlxalq təcrübənin öyrənilməsinə səylərini xeyli artırmışdır. bu səbəbdən Fondun icraçı direktoru Şahid Əzimov Bolqarıstan Respublikasına səfər etmişdir.

»»»

İlyas Əfəndiyev Fondu Müqəddəs Ramazan bayramı münasibətilə Lökbatan qəsəbəsində yerləşən 39 saylı Kardio-Revmatoloji Uşaq Sanatoriyasında müalicə və tərbiyə olunan uşaqları ziyarət etmişdir. Bayram sovqatı ilə uşaqları sevindirən Fondun əməkdaşları onların qayğıları ilə yaxından tanış olmuş, onlara daima layiqli diqqət göstəriləcəyini diqqətlərinə çatdırmışdır. Qeyd etmək lazımdır ki, Fond adı çəkilən müəssisədə mütəmadi olaraq xeyriyyə aksiyaları keçirir.

»»»

Fond mədəniyyət sahəsində beynəlxalq əlaqələri və əməkdaşılığı genişləndirmək məqsədilə Litvanın "MediaPRO" şirkəti ilə birgə layihə hazırlayır. Buna görə Fondun icraçı direktoru Ş. Əzimov Litvaya 2 həftəlik səfər etmişdir. Səfər çərçivəsində layihənin həyata keçirilməsi mexanizmləri, layihənin büdcəsi və digər məsələlər müzakirə olunmuşdur. Layihənin əsas məqsədi Azərbaycan mədəniyyət nümunələrinin Litvada və Litva mədədniyyət nümunələrinin Azərbaycanda tanınmasına xidmət edəcək tədbirlərin həyata keçirilməsidir.

»»»

İyul ayının 27-də İlyas Əfəndiyev Fondunun prezidenti Tural Əfəndiyev Bolqarıstan Respublikasına işgüzar səfərə yollanmışdır. Bolqarıstan Respublikasının prezidenti cənab Georgi Pırvanovun dəvəti ilə gerçəklənən bu səfər çərçivəsində İlyas Əfəndiyev Beynəlxalq Mükafatının təqdimetmə mərasiminin keçirilməsi də nəzərdə tutulmuşdur. Beləliklə, 29 iyul 2009-cu il tarixdə Bolqarıstan Respublikasının prezidentinin iqamətgahında cənab Georgi Pırvanov İlyas Əfəndiyev Fondunun prezidenti Tural Əfəndiyevin başçılıq etdiyi nümayəndə heyətini qəbul etdi. Tədbirdə Bolqarıstan hökumətinin rəsmiləri, Azərbaycan Respublikasının Bolqarıstandakı fövqəladə və səlahiyyətli səfiri Elman Zeynalov, səfirliyin əməkdaşları və KİV nümayəndələri iştirak edirdi

»»»